Сумын иргэдийн Төлөөлөгчдийн Хурлын ээлжит V хуралдаан 2025.09.29-ний өдөр 66.7 хувийн ирцтэйгээр хуралдлаа.

Улс төрийн хилс хэрэгт хэлмэгдэгсдийн дурсгалыг хүндэтгэх өдрөөр Бэлэндалай 2-р багийн иргэн Б.Буянтогтохыг хүлээн авч уулзлаа.

Сумын иргэдийн Төлөөлөгчдийн Хурлын ээлжит 4-р хуралдаанаар 13 асуудлыг хэлэлцлээ. Энэ удаагийн хуралдаанаас нийт 8 тогтоол батлагдан гарлаа.

"Бид эмэгтэйчүүд" чуулга уулзалт зохион байгуулагдлаа.

Орхон бүсийн иргэдийн Төлөөлөгчдийн Хурлын төлөөлөгчид болон ажлын албаны дунд спортын нөхөрсөг тэмцээн зохион байгуулагдаж өндөрлөлөө.

Сумын ИТХ-ын ээлжит 3-р хуралдаан 2025 оны 02-р сарын 26-ны өдөр хуралдлаа.

Нутгийн захиргааны байгууллагуудын бодлогын түвшинд мэдээлэл солилцох, албан хаагчид харилцан туршлага судлах , иргэдийн Төлөөлөгчдийн Хурлын байгууллагуудын үйл ажиллагааг төгөлдөржүүлэхэд түлхэц үзүүлэх зорилтын хүрээнд Нийслэлийн Баянгол дүүргийн иргэдийн Төлөөлөгчдийн хурал болон ажлын албатай “ХАМТЫН АЖИЛЛАГААНЫ САНАМЖ” бичгийг байгуулав.

Сумын Улаан загалмайн анхан шатны хорооны дарга Д.Лхагвадорж аймгийн Дунд шатны хорооны дарга Ц.Ганчулуунтай 2025 онд хамтран ажиллах "Үр дүнгийн гэрээ"-г байгууллаа

ИТХ-ын зөвлөлийн I хуралдаан 2024 оны 12 дугаар сарын 16-ны өдрийн 11:05 цагт эхэллээ. Хуралдаанд ирвэл зохих 7 төлөөлөгчөөс 5 төлөөлөгч оролцож хуралдааны ирц 71,4 хувьтай байна. Хуралдаанаар: 1.Хуралдааны дэг батлах тухай 2.Иргэдийн Төлөөлөгчдийн Хурлын төлөөлөгчийн ёс зүйн үлгэрчилсэн дүрэм батлах тухай 3.Иргэдийн Төлөөлөгчдийн Хурлын бодлогын хороодыг байгуулах тухай 4.2025 онд хэрэглээ болон түлшний мод бэлтгэх хуваарийг батлах тухай 5.Хоршоо хөгжүүлэх сангийн 2025 оны зээлийн хэмжээг тогтоох тухай Мөн хуралдаан дууссаны дараа ЭЛ СИ БИ ХХК үйл ажиллагаатай танилцлаа.

Төвийн бүсийн хөгжлийг хязгаарлаж буй хүчин зүйлсийг тодорхойлж асуудлыг шуурхай шийдвэрлэх, харилцан санал солилцож, нэгдсэн ойлголтод хүрэхээр "Төвийн бүсийн хөгжлийн чуулган-Шинэ стандарт" арга хэмжээ Дархан-Уул аймагт зохион байгуулагдаж байна.

ДАРХАН-УУЛ, БУЛГАН, СЭЛЭНГЭ АЙМГИЙН МАНДАЛ, ОРХОН СУМЫН ИТХ-ЫН ТӨЛӨӨЛӨГЧИД БОЛОН АЖЛЫН АЛБАНЫ ДАРГА НАРТ ЗОРИУЛСАН "ИТХ-ЫН ТӨЛӨӨЛӨГЧДИЙН ҮҮРЭГ БА ТӨЛӨӨЛӨГЧДИЙН ЧАДАВХЫГ БЭХЖҮҮЛЭХ НЬ" СУРГАЛТ ДАРХАН-УУЛ АЙМАГТ ЗОХИОН БАЙГУУЛАГДЛАА. СУРГАЛТЫН ЗОРИЛГО: Иргэдийн төлөөлөгчдийн хурлын төлөөлөгчдөд манлайлал, орон нутгийн төсөв болон түний ил тод байдал, хариуцлагатай засаглалын ур чадваруудыг эзэмшүүлж, төлөөлөгчдийн үүрэг, хариуцлагыг ойлгуулах, холбогдох эрх зүй, хууль тогтоомжийг тайлбарлан танилцуулахад оршино. Энэхүү сургалтанд 21 төлөөлөгчөөс 11 төлөөлөгч хамрагдлаа.

Монгол Улс Анхдугаар үндсэн хуулиа баталж Бүгд Найрамдах улсаа тунхагласны 100 жилийн ойн хүрээнд зохион байгуулагдаж буй "ИХ НҮҮДЭЛ" шатрын тэмцээн ажилттай зохион байгуулагдлаа. 1-5 ангийн эрэгтэй төрөлд 1-р байранд М.Сугар 2-р байранд О.Болор 3-р байранд Б.Хасмэргэн Тусгай байранд Б.Энхочир 1-5 ангийн эмэгтэй төрөлд 1-р байранд Б.Биндэрьяа 2-р байранд Б.Ганчимэг 3-р байранд А.Маргад-Эрдэнэ 6-9 ангийн эрэгтэй төрөлд 1-р байранд Г.Банзрагч 2-р байранд Г.Лхагвадорж 3-р байранд Б.Хүслэн Тусгай байранд М.Баярмагнай 6-9 ангийн эмэгтэй төрөлд 1-р байранд Б.Отгонсувд 2-р байранд О.Нандинцэцэг 3-р байранд Г.Мөнхцэцэг Тусгай байранд Г.Хатанзул 10-12 ангийн эрэгтэй төрөлд 1-р байранд Б.Билэгт 2-р байранд О.Тэнүүн 3-р байранд Л.Ариунбаатар Тусгай байранд Г.Мөнхсайхан 10-12 ангийн эмэгтэй төрөлд 1-р байранд С.Эгшиглэн 2-р байранд А.Номин-Эрдэнэ 3-р байранд Б.Нандинцэцэг Насанд хүрэгчдийн эрэгтэй төрөлд 1-р байранд Б.Ганхуяг 2-р байранд Г.Насанбат 3-р байранд Ц.Дөлгөөн Тусгай байранд Н.Бямбасүрэн Насанд хүрэгчдийн эмэгтэй төрөлд 1-р байранд Б.Март 2-р байранд М.Түвшинзаяа 3-р байранд Д.Оюунзаяа Тусгай байранд Жавзмаа Ивээн тэтгэгч: Баюудай трейд ХХК захирал Г. Эрдэнэбаяр ИТХ-ын Төлөөлөгчид Зохион байгуулагч: "Цагаан морь" шатрын клуб Соёлын төв Орхон Сумын Соёлын Төв хамтарч ажилласанд талархал илэрхийлье. Хүрэлцэн ирж идэвхитэй оролцсон нийт шатар сонирхогчиддоо баярлалаа.

В.Лхагважав даргатай Ахмадын хорооны тэргүүлэгчид болон ахмадын төлөөлөлтэй уулзаж санал бодлоо солилцож цаашид хамтран ажиллах талаар ярилцлаа.Мөн Орхон бүсийн 7 ахмадын хорооны дунд болох "Шагайн наадгайн" тэмцээнд дэмжлэг үзүүлэхээ илэрхийллээ.

Сумын иргэдийн Төлөөлөгчдийн Хурлын дарга Д.Лхагвадорж "Гэмт хэргээс урьдчилан сэргийлэх ажлыг зохицуулах зөвлөл"-ийн бүрэлдэхүүнтэй уулзаж, 2025 онд зөвлөлийн төлөвлөгөөнд тусгах санал, байгууллагуудад тулгамдаж буй асуудлыг тодотгож, санал солилцлоо.

Орхон сумын иргэдийн Төлөөлөгчдийн Хурлын 2024-2028 оны бүрэн эрхийн хугацааны АНХДУГААР ХУРАЛДААН 2024 оны 10 дугаар сарын 25-ны өдрийн 11:00 цагт эхэллээ. Хуралдаанд ирвэл зохих 21 төлөөлөгчөөс 19 төлөөлөгч оролцож хуралдааны ирц 80.4 хувь байна. Анхдугаар хуралдааныг Монгол Улсын Засаг захиргаа нутаг дэвсгэрийн нэгж түүний удирдлагын тухай хуулийн 46 дугаар зүйлийн 46.5-д зааснаар хуралдаанд хүрэлцэн ирсэн насаар хамгийн ахмад төлөөлөгч болох Л.Гэрэлбаатар даргалж байна. Хуралдааны эхэнд сумын Сонгуулийн хорооны дарга Ш.Ганчимэг аймаг, нийслэл, сум, дүүргийн иргэдийн төлөөлөгчдийн хурлын 2024 оны ээлжит сонгуулийн дүн болон "Сумын иргэдийн Төлөөлөгчдийн Хурлын Төлөөлөгчөөр сонгогдсонд тооцох тухай" аймгийн Сонгуулийн хорооны 2024 оны 10 дугаар сарын 17-ны өдрийн 14 дүгээр тогтоолыг уншиж танилцууллаа. АНХДУГААР ХУРАЛДААНААР: 1. Сумын сонгуулийн хорооны мэдээлэл 2. Анхдугаар хуралдааны дэгийг батлах тухай 3. Тооллогын комисс байгуулах тухай 4. Сумын иргэдийн Төлөөлөгчдийн Хурлын даргыг сонгох тухай 4. Сумын ИТХ-ын төлөөлөгчдийн бүрэн эрхийг зөвшөөрөх тухай 5. Сумын Засаг даргад нэр дэвшүүлэх тухай 6. Сумын иргэдийн Төлөөлөгчдийн Хурлын Зөвлөлийн бүрэлдэхүүнийг сонгох тухай зэрэг асуудлуудыг хэлэлцлээ.

“Сумын иргэдийн Төлөөлөгчдийн Хурлын Зөвлөлийн бүрэлдэхүүнийг батлах тухай” асуудлыг хэлэлцээд Хурлын хуралдааны шийдвэрийн биелэлтийг хангуулах арга хэмжээг зохион байгуулах, хуралдааны бэлтгэл хангах, хуралдаан хоорондын хугацаанд Хурлын хороо, ажлын хэсгийн үйл ажиллагааг уялдуулан зохицуулах үүрэг бүхий Хурлын зөвлөлийн бүрэлдэхүүнийг Хурлын даргыг оролцуулан 7 байхаар тогтоож дараах төлөөлөгчдийг 1 жилийн хугацаатай Зөвлөлийн бүрэлдэхүүнээр сонголоо. Үүнд: 1. Д.ЛХАГВАДОРЖ /МАН/ 2. У.ГАНЗОРИГ /АН/ 3. Б.ЭРДЭНЦЭЦЭГ/МАН/ 4. Л.ГЭРЭЛБААТАР /АН/ 5. Б.ГАНХУЯГ / МАН/ 6. С.ЭНХМАА / АН/ 7. М.БАЯРБААТАР/ МАН/

Сумын Засаг даргад Г.Баасансүрэн 84.2% саналаар сонгогдож, томилуулахаар аймгийн Засаг даргад уламжлалаа.

Сумын иргэдийн Төлөөлөгчдийн Хурлын 9 дэх удаагийн бүрэлдэхүүнд: 🟥МАН-15 🟦АН-6 тус тус сонгогдсон. 🔸30-39 насны 7 төлөөлөгч 🔸40-49 насны 7 төлөөлөгч 🔸50-62 насны 7 төлөөлөгч, хамгийн залуу нь 34 настай, хамгийн ахмад нь 62 настай байна. 🟠Өмнө нь сонгогдож байсан 13 🟠Анх удаа сонгогдсон 8, 👨‍⚖️Эрэгтэй 15 төлөөлөгч 👩‍⚖️Эмэгтэй 6 төлөөлөгч байна.

Сумын иргэдийн Төлөөлөгчдийн Хурлын даргад 2 хүн нэр дэвшсэнээр 68.4% саналаар Д.Лхагвадорж сонгогдлоо.Сумын иргэдийн Төлөөлөгчдийн Хурлын Төлөөлөгчдөд "Төлөөлөгчийн үнэмлэх, энгэрийн тэмдэг"-ийг нь гардуулан өглөө.